ურთიერთობათა ანატომია

ქვესკნელში, ძვირფასი ქვებით უხვად შემკულ, ოქროს ტახტზე ნებივრობს ბნელეთის მბრძანებელი. ეს ციურ ქმნილებებს, მისი მოწინააღმდეგის ქვეშევრდომთ აწუხებს აუტანელი სიცხე და გოგირდის მყრალი სუნი, თორემ ეს მისთვის ჩვეული, სასიამოვნო პირობებია. ეშმაკებისგან ზუსტად იცის ზემოთ რა ხდება თუმცა თვითონ უყვარს ყველაფერ ამაზე თვალის შევლება. ბევრი მისი მომავალი საკბილო ხომ ჯერ ცოცხალი ზემოთ დადის. ბევრი რამე მისთვის არ იცვლება, ისე როგორც ათიათას წლების წინათ სიმდიდრეს და ძალაუფლებას ისევ ისე ითხოვენ და სულს ყიდიან მის სანაცვლოდ..... სიმდიდრე, ოქრო-ვერცხლი, სხვადასხვა ფერის და სტრუქტურის მინერალები, ეს ყველაფერი მისი სამფლობელოს ნაწილია, მისი ნებაა ვის ხელში აღმოჩნდება, მთავარია სანაცვლოდ სამაგიეროს დაბრუნება არ დაავიწყდეთ.... ოდესღაც მისი საყვარელი მასწავლებელი რომ არ ერეოდეს ადამიანთ ბედის გადაწყვეტაში და ნერვებს არ უშლიდეს კიდევ უფრო კმაყოფილი იქნებოდა ამ ცხოვრებით თუმცა ვინ იცის, დაჭმუჭნული მახინჯი სახე და რქები ოდნავ შეერხა, იქნებ საომარი და საჭიდაო რომ არ ქონდეს კიდევ უფრო მოიწყენდა, ასე ადვილია სამყაროს დასაბამიდან არსებობდე და უყურებდე უსუსურ კაცობრიობას მთელი მისი არსებობის მანძილზე? როდესაც ერთმანეთის ჟლეტას იწყებენ აი მაშინ ის მართლა ბედნიერია, ჯერ კიდევ კარგად ახსოვს როგორ უბიძგა სულ პირველად კაენს, ძმის, აბელის მკვლელობისაკენ. ეს მეორე შემთხვევა იყო როდესაც მან უფალს თავის ძალა აჩვენა, პირველად ხომ ჭკუით და სიბრძნით ცნობილ გველს აჯობა და შთააგონა ადამიანები ეცდუნებინა, რასაც მათი სამოთხიდან გაგდებინა და ადამიანს და უხსენებელს შორის სამუდამო მტრობა მოჰყვა? იმის მერე ბევრმა წყალმა ჩაიარა, იმის მაგივრად, რომ ესწავლათ ადამიანებს ერთად, ურთიერთპატივისცემაში ცხოვრება ამის სანაცვლოდ, კიდევ უფრო მეტი სისასტიკით უსწორდებიან ურთიერთს....